തനിയാവര്‍ത്തനം

നഖം കടിക്കുന്നത് ഒരു ദുശ്ശീലമാണ്. പുകവലി മറ്റൊന്നാണ്. മദ്യപാനം ഇനിയൊന്ന്. ഫേസ്ബുക്ക് വേറൊന്ന്. അങ്ങനെ അങ്ങനെ നമുക്ക് ചുറ്റും ഒരുപാടൊരുപാട് ദുശ്ശീലങ്ങള്‍.

പലതും ഒരു രസത്തിനുവേണ്ടി വേണ്ടി തുടങ്ങുന്നതാണ്, പക്ഷെ പലര്‍ക്കും പിന്നീട് അതില്‍നിന്നും ഒരു മോചനമില്ല. മാറ്റണം എന്ന് ആത്മാര്‍ഥമായി ആഗ്രഹിക്കുന്നുണ്ടാവും പക്ഷെ കഴിയുന്നില്ല, ശീലമായിപ്പോയി, മാറ്റാന്‍ വയ്യ.

പുഷ്അപ്പ്

കുറച്ച് മുന്‍പ്‌ ഞാന്‍ ഒരു ഹെല്‍ത്ത്‌ സൈറ്റില്‍ വായിച്ചു, ഒരു അമേരിക്കന്‍ കിളവന്‍, അയാള്‍ ഒരാഴ്ച അഞ്ഞൂറ് പുഷ്അപ്പ് എടുക്കും എന്ന്. അതായത് ഒരു ദിവസം എഴുപതോളം പുഷ്അപ്പ്.

ഈ പുഷ്അപ്പ് എന്ന് പറഞ്ഞാല്‍, കേള്‍ക്കുന്ന അത്ര രസമുള്ള പണിയൊന്നുമല്ല, ഞാനും കുറെ എടുത്തതാണ് കുറേ വര്‍ഷങ്ങള്‍ക്ക്‌ മുന്‍പ്, അന്നെല്ലാം ഇരുപത് എണ്ണം എടുത്താല്‍ കൈ കഴയ്ക്കും, എങ്കിലും മുക്കിയും മൂളിയും ഒരഞ്ചു കൂടി തികയ്ക്കും. അപ്പോഴാണ്‌ ഇവിടെ ഒരു വയസ്സന്‍ എഴുപത് പുഷ്അപ്പ് എടുക്കുന്നത്.

നടക്കട്ടെ..

നടക്കാന്‍ എനിക്ക് ഇഷ്ടമാണ്, പ്രത്യേകിച്ച് എല്ലാവരും കൂടുതുറന്നു വെളിയില്‍ ചാടുന്നതിനു മുന്‍പ്‌, പുല്ലുകളില്‍ എല്ലാം മഞ്ഞുതുള്ളികള്‍ നിറഞ്ഞിരിക്കുമ്പോള്‍, വണ്ടികളുടെ പുകയടിച്ചു മലിനമാവാത്ത വായുവും ശ്വസിച്ചു.. അതൊരു രസമുള്ള നടത്തമാണ്. തുടര്‍ന്ന് കൊണ്ട് പോവാന്‍ പക്ഷെ ഇച്ചിരി ബുദ്ധിമുട്ടാണ്, മുടങ്ങാന്‍ കാരണങ്ങള്‍ക്കാണോ പഞ്ഞം..

ആരെയെങ്കിലും കൂട്ടുപിടിക്കാം എന്ന് വെച്ചാല്‍ ഒന്നാമതായി നമ്മുടെ സമയത്തിന് മാച്ച് ആവുന്ന നല്ലൊരു കമ്പനി കിട്ടാന്‍ പ്രയാസമാണ്, ഇനി കിട്ടിയാല്‍ തന്നെ എനിക്ക് എന്‍റെ സ്വപ്നലോകത്തു നടക്കാനാ കൂടുതല്‍ ഇഷ്ടം, ഒരു പാട് വര്‍ത്തമാനം പറഞ്ഞ് നടക്കുന്നത് എനിക്കിഷ്ടമല്ല. ഞാന്‍ എന്നോട് തന്നെ മിണ്ടി, സ്വപ്നംകണ്ട്, തര്‍ക്കിച്ച് അങ്ങനങ്ങനെ.. അതും പോരാഞ്ഞ്, ഒരു നിശ്ചിത സമയത്ത് നടക്കാം എന്ന് പറഞ്ഞാല്‍ എനിക്ക് മടിയുമാണ്.

തൂക്കിഫിക്കേഷന്‍

അവന്‍: അറിഞ്ഞില്ലേ ലവനെ തൂക്കി.

മറ്റവന്‍: ഇതുപോലെയുള്ള പര നാറികളെ ഒരു നാലു വട്ടമെങ്കിലും തൂക്കണം.. ഒരു തെറ്റും ചെയ്യാത്ത പാവം ജനങ്ങളെ കൊല്ലുന്ന അവന്റെ മറ്റെലെ ഒരു ജിഹാദ്..

ശ്രീമാന്‍: പക്ഷെ രാജ്യത്തെ പ്രധാനമന്ത്രിയോ അങ്ങേരെ മുതലാളിച്ചിയോ അറിയാതെ ഇത്ര വലിയ ഒരു സംഭവം നടന്നതില്‍ എന്തൊക്കെയോ ചീഞ്ഞു നാറുന്നില്ലേ?


ഇവള്‍: പറ്റിക്കാന്നെയ്‌.. ലവന്‍ ശരിക്കും മരിച്ചത് പനിപിടിച്ചിട്ടാ.. കൊല്ലാന്‍ വച്ചത് ചത്തു എന്ന് നാട്ടുകാര്‍ അറിഞ്ഞാല്‍ നാണക്കേടല്ലേ..അതുകൊണ്ട് ആരും കാണാതെ ബോഡി ഒന്നൂടെ തൂക്കി.....അവരും ഹാപ്പി....നമ്മളും ഹാപ്പി..എല്ലാരും ഹാപ്പീ

സുനാമി

മുഹറം ഒന്‍പത്, 16 നവംബര്‍ 2012.

വൈകീട്ട് നാലുമണിയോടെയാണ് ചെറുതായി മഴ തുടങ്ങിയത്‌. നാട്ടില്‍ റോഡ്‌ നനയാന്‍ ഉള്ള മഴ പെയ്തുകാണും, പക്ഷെ ഇവിടെ ജിദ്ദയില്‍ അത് തന്നെ ധാരാളം, റോഡില്‍ എങ്ങും വെള്ളംകയറി, ട്രാഫിക്‌ പലയിടത്തും ബ്ലോക്ക്‌ ആയി.

അടുപ്പിച്ച് മൂന്ന് മണിക്കൂര്‍ മഴപെയ്താല്‍ മൂന്ന് ദിവസം ലീവ് കിട്ടും, ഒരു മണിക്കൂറിനു ഒരു ദിവസം എന്ന കണക്കിലാ ലീവ്‌. തമാശയല്ല, വെള്ളപ്പൊക്കം ആവും ഒരുമണിക്കൂര്‍ മഴപെയ്താല്‍, നിറയെ മരണങ്ങള്‍, അപകടങ്ങള്‍. പക്ഷെ അത്രയൊന്നും പെയ്തില്ല, ഏതാനും മിനുട്ടുകള്‍ മാത്രം.

സംതൃപ്തി

എന്‍റെ ഏറ്റവും വലിയ ആഗ്രഹം നൈക്കിയുടെ ഈ സ്പൈക്ക് ഷൂ വാങ്ങുന്നതാ.. എന്‍റെ മകന്‍ അക്കി നെറ്റില്‍ അവന്‍റെ പ്രിയപ്പെട്ട ഷൂ അവന്‍റെ ഉമ്മാക്ക് കാണിച്ചു പറഞ്ഞു.

എന്നോട് ഇത്തരം കാര്യങ്ങള്‍ അധികവും അവന്‍ പറയാറില്ല. പറഞ്ഞാല്‍ ഞാന്‍ ചോദിക്കും ഇതിനെ നമുക്ക്‌ അത്യാവശ്യമോ, ആവശ്യമോ, അനാവശ്യമോ ഇതില്‍ ഏതു ഗണത്തില്‍ പെടുത്താം.?

അതിന്‍റെ ഉത്തരം അറിയുന്നതിനാല്‍ അവന്‍ അവന്‍റെ ഉമ്മയുടെ നേരെയാണ് അധികവും ഉന്നം വെയ്ക്കുക. ട്രൈ ആന്‍ഡ്‌ ട്രൈ അണ്ടില്‍ യു മേക്‌ ദം ക്രൈ എന്ന ലൈന്‍ ആണ് അവന്‍ പിടിച്ചിരിക്കുന്നത്.

വേദനിപ്പിക്കുന്ന മാന്ത്രികന്‍

ഞാന്‍ എന്‍റെ ലാപ്ടോപ്പ് വളരെ പണിപ്പെട്ടു പുറത്തെടുത്തു, വേദന കൊണ്ട് ഞാന്‍ പുളയുകയായിരുന്നു. അദ്ദേഹം കുറച്ച് സമയം എന്നെ നോക്കി നിന്നു, എന്നിട്ട് അക്ഷമനായി ചോദിച്ചു..

ഇയാള്‍ എന്താ ഈ ചെയ്യുന്നത്..
എന്‍റെ MRI സ്കാന്‍ റിപ്പോര്‍ട്ട്‌ ഒരു സീഡിയില്‍ ആക്കിയിട്ടുണ്ട്, അതൊന്ന് താങ്കള്‍ക്ക് കാണിച്ചു തരാനാണ്..
അതിന്‍റെ ഒന്നും ആവശ്യമില്ല, എനിക്ക് അറിയേണ്ടത് ഇത് എന്‍റെ ചികിത്സ കൊണ്ട് മാറുന്നതാണോ അല്ലെ എന്നതാണ്..

ജിദ്ദയിലെ വിനോദങ്ങള്‍ – കേബിള്‍ കാര്‍

ഒന്‍പത് ദിവസമാണ് പെരുന്നാള്‍ക്ക് ലീവ്, നമുക്ക്‌ എവിടെക്കെങ്കിലും പോവണം..

ഇവളെ കൊണ്ട് ഞാന്‍ തോറ്റു, മനുഷ്യന്‍ ഒന്‍പത് ദിവസം മൂടിപ്പുതച്ച് കിടന്നുറങ്ങാം എന്ന് കരുതി ഇരിക്കുമ്പോള്‍ നശിപ്പിക്കാന്‍ വന്നിരിക്കുന്നു..

നാട്ടില്‍ എല്ലാം പെരുന്നാള്‍ നമസ്കാരം കഴിഞ്ഞാല്‍ കുട്ടികളുമായി ബന്ധു വീടുകളില്‍ ഞങ്ങള്‍ ഒന്ന് കറങ്ങിത്തിരിഞ്ഞ് വരും, അത് പോലെ ഞങ്ങള്‍ ഇവിടെയുള്ള ബന്ധുക്കളെ കാണാന്‍ ഞാന്‍ ജിദ്ദയില്‍ വന്ന ആദ്യവര്‍ഷം തിരിച്ചു, ചെന്നിടത്തെല്ലാം എല്ലാരും മൂടിപ്പുതച്ച് കിടന്നുറങ്ങുന്നു. പ്രാകികൊണ്ടാ എല്ലാരും വാതില്‍ തുറക്കുന്നത്, ഒരു മാന്യ ദേഹം പറഞ്ഞു, ഇവിടെ ആരും കാലത്ത് എവിടെയും പോവില്ല, അടുത്ത ദിവസമോ, അല്ലെങ്കില്‍ ഏറ്റവും ചുരുങ്ങിയത് വൈകുന്നേരമോ മാത്രേ പുറത്തിറങ്ങൂ..അന്ന് നിര്‍ത്തിയതാ കറക്കം, അന്ന് തുടങ്ങിയതാ ഉറക്കം, ഇവള്‍ അതെല്ലാം നശിപ്പിക്കും..

ഐക്യമത്യം മഹാ ചൊറ

ഈ പെണ്‍വര്‍ഗ്ഗങ്ങളെ കൊണ്ട് ഞാന്‍ വശംകെട്ടു കഴിയുകയാണ്. ഒരു ഭാഗത്ത് അവളും രണ്ടു പെണ്‍മക്കളും മറുഭാഗത്ത് ഞാനും എന്‍റെ രണ്ടു ആണ്‍മക്കളും, ഒറ്റ നോട്ടത്തില്‍ സമാസമം ആണെന്ന് തോന്നും പക്ഷെ കാര്യങ്ങളുടെ കിടപ്പ് അങ്ങനല്ല.

എന്‍റെ മൂത്ത മകന്‍ ചേരിചേരാ നയം ആണ്, രണ്ടാമത്തവന് അവന്‍റെ ഉപ്പ കഴിഞ്ഞേ എന്തും ഉള്ളൂ എങ്കിലും അസിയോട് അവനൊരു പൊക്കിള്‍ക്കൊടി കടപ്പാടുണ്ടോ എന്നൊരു സംശയം എനിക്കില്ലാതില്ല. ചുരുക്കിപ്പറഞ്ഞാല്‍ മൂന്നു പെണ്ണുങ്ങളുടെ ഇടയില്‍ ഞാന്‍ സഹനത്തിന്റെ ഉത്തമ ഉദാഹരണമായി കഴിഞ്ഞു പോവുകയാണ്.!

അഞ്ചു പന്തുകള്‍

ഒരേ കമ്പനിയില്‍ നാല്‍പതു വര്‍ഷത്തെ പ്രവാസ ജീവിതം അവസാനിപ്പിച്ച് നാട്ടിലേക്ക് മടങ്ങുന്ന അബ്ദുവിനെ, തോമസിനെ, കരുണനെ നിങ്ങള്‍ അറിയുമോ. വാര്‍ത്തയുടെ കൂടെ പ്രായമായ അവരുടെ ചിത്രവും ഉണ്ടായിരുന്നു.

ജീവിതത്തിന്‍റെ നല്ലൊരു പങ്കല്ല, ജീവിതംതന്നെ പ്രവാസത്തില്‍ ഹോമിച്ച ജീവിതത്തിന്‍റെ വിലയറിയാത്ത പാവങ്ങള്‍. അവര്‍ ജീവിച്ചത് തന്നെ ജോലി ചെയ്യാന്‍ വേണ്ടി ആയിരുന്നു.

എന്തെങ്കിലും ജോലിയല്ല സ്വന്തം കമ്പനി പോലെ കരുതി, ആത്മാര്‍ഥമായി, എല്ലുമുറിയെ പണിയെടുത്ത് അവര്‍ വളര്‍ത്തി വലുതാക്കിയ കമ്പനി, തികഞ്ഞ നന്ദിയോടെ സന്തോഷത്തോടെ അവര്‍ മടങ്ങുകയാണ് ഇനിയുള്ള കാലം സ്വന്തം കുടുംബത്തിന്റെ കൂടെ ജീവിതം ആസ്വദിക്കാന്‍. പോവുമ്പോള്‍ നല്ലൊരു തുക നല്‍കി, ഗംഭീരന്‍ പാര്‍ട്ടിയും കൂട്ടത്തില്‍ വിലകൂടിയ ഒരു ഗിഫ്റ്റും നല്‍കി, എത്ര നല്ല കമ്പനി.! തോമസ്സ് ഭാഗ്യവാനാ, അവന്‍റെ മകന് കമ്പനി ഒരു വിസ കൊടുത്തു, ഇനി മകന്‍ നോക്കികൊള്ളും..!

പിതാവിന്‍റെ ഒമര്‍

ഒമര്‍ - എന്നേക്കാള്‍ പത്ത് വയസ്സെങ്കിലും പ്രായം കുറഞ്ഞവന്‍, എന്നേക്കാള്‍ പത്ത് വയസ്സിന്റെ എങ്കിലും ലോകപരിചയം കൂടുതല്‍ കൈമുതലായുള്ളവന്‍. ഒമറിനെ ഇഷ്ട്ടപ്പെടാതിരിക്കാന്‍ ആര്‍ക്കുമാവില്ല.

സൗദി, സൗഭാഗ്യങ്ങളുടെ മടിത്തട്ടില്‍ വളര്‍ന്നവന്‍, ഒരു നിയമസഭാ മെമ്പറുടെ പുത്രന്‍ - എങ്കിലും പെരുമാറ്റം തനിത്തങ്കം, ആരോടും ബ്രദര്‍ എന്ന് പറഞ്ഞേ എന്തും അവശ്യപ്പെടൂ. ആര്‍ക്കും അവനാല്‍ കഴിയുന്ന എല്ലാ സഹായവും ഓടി നടന്ന്‌ ചെയ്തുകൊടുക്കും. ആരോടും വലിപ്പചെറുപ്പമില്ല എല്ലാവരോടും ചിരിച്ച് സ്നേഹത്തില്‍..

സൗദിക്കും അല്ലാത്തവനും എല്ലാം അവന്‍ പ്രിയപ്പെട്ടവന്‍ തന്നെ. ജോലിയിലും വളരെ ഉഷാര്‍. ഞങ്ങളുടെ കൂടെ ഒന്നും ജോലി ചെയ്യേണ്ട കക്ഷി അല്ല, പക്ഷെ അവന്‍റെ പിതാവ് അദ്ദേഹത്തിന്റെ പിടിപാട് ഉപയോഗിക്കാന്‍ അനുവദിക്കില്ലായിരുന്നു, ഇപ്പോള്‍ അതില്ലാതെ വളരാം എന്ന് അവനും ഉറപ്പാണ്‌.

ജോ

മൂക്കിന്‍തുമ്പത്താ അവള്‍ക്ക് ദേഷ്യം. രണ്ടു വയസ്സേ ഉള്ളൂ പറഞ്ഞിട്ടെന്താ വിത്ത് ഗുണം എന്ന് പറയാന്‍ ഇടം കൊടുക്കാതെ ഞാന്‍ പറയും, തള്ളന്റെ പഠിപ്പാ അതിന് എന്നാലും ഇങ്ങനെ സ്വഭാവം പകര്‍ന്ന് കിട്ടോലോ അതിശയം തന്നെ.!

അസി ട്യൂബ് ലൈറ്റാ വേഗം സമ്മതിച്ചു തരും, ഇനിപ്പോ എന്താ ചെയ്യാ എന്ന് ദയനീയഭാവത്തില്‍ നോക്കും.

നാല് മക്കളാ എനിക്ക് ഒരു കാര്യം ഞങ്ങള്‍ക്ക് മനസ്സില്‍ ആയി, ഈ മക്കളെ വളര്‍ത്തുക എന്നത് കമ്പ്യൂട്ടര്‍ പ്രോഗ്രാമ്മിംഗ് പോലെയാണ്, ആ എക്സ്പീരിയന്‍സ് കൊണ്ട് ഒരു കാര്യവും ഇല്ല ആറു മാസം കൊണ്ട് പുതിയ ലാംഗ്വേജ്‌ ഇറങ്ങും, അപ്പൊ പഴയത് അറിയുമെന്ന് പറഞ്ഞിട്ട് ഒരു വിശേഷവുമില്ല.

ഓരോ കുഞ്ഞിനെ വളര്‍ത്തുമ്പോഴും നമ്മള്‍ പഠിക്കുന്ന വില കൂടിയ പാഠങ്ങള്‍ കൊണ്ട് അടുത്ത കുട്ടിക്ക് ഒരു ഉപയോഗവും ഇല്ല.

അവള്‍

അവള് സുന്ദരിയാണോ എന്ന് ചോദിച്ചാല്‍.. അറിയില്ല. എനിക്കവളെ കണ്ടൂടാ, അസിക്ക് തീരെ പിടിക്കില്ല, പറഞ്ഞിട്ടെന്താ കാര്യം അവള്‍ക്കെന്നോട് ഇഷ്ടാണ്, എന്ത് പറഞ്ഞാലും അവള്‍ വിട്ടു പോവില്ല.

ഞാന്‍ പല പണിയും നോക്കി, നുള്ളി വേദനിപ്പിച്ച് നോക്കി, വളച്ച് ഒടിച്ചു നോക്കി, സൂചി കൊണ്ട് കുത്തി നോക്കി, കരഞ്ഞ് കാലു പിടിച്ചു നോക്കി, ഞാന്‍ വല്ലാതെ സീരിയസ് ആവുന്നു എന്ന് കണ്ടാല്‍ അവള്‍ ഒന്ന് പിന്‍വാങ്ങും, ദൂരെ ഒന്നും പോവില്ല, അടുത്ത് തന്നെ ഉണ്ടാവും, കണ്ണില്‍ പെടാതെ ഒളിക്കാന്‍ അവള്‍ക്ക് നല്ല കഴിവാണ്.

എപ്പോഴെങ്കിലും സന്തോഷത്തില്‍ ഇരിക്കുമ്പോള്‍ എന്‍റെ ചെവിയില്‍ അവള്‍ കൊഞ്ചലോടെ മന്ത്രിക്കും 'മരിക്കോളം ഞാനും കൂടെണ്ടാവും..'. അത് കേള്‍ക്കുമ്പോള്‍ ദേഷ്യവും സങ്കടവും വന്ന് ഞാന്‍ മൌനിയാവും എന്‍റെ മൌനം ഞാന്‍ അറിയുന്നതിന് മുന്‍പ് തന്നെ അസി അറിയും, 'പിന്നേം വന്നൂല്ലേ..' കൂടുതല്‍ ഒന്നും അവള്‍ പറയില്ല. ഞങ്ങള്‍ക്കറിയാം എന്നേം കൊണ്ടേ ഇവള്‍ പോവൂ..

മുഖങ്ങള്‍ അസ്തമിക്കുമ്പോള്‍

കുലുങ്ങിയപ്പോഴാണോ ഉണര്‍ന്നത്‌..  ബസ്സ് ഓടി കൊണ്ടിരിക്കുകയാണ്.. വല്ലാത്ത ഒരു ഏകാന്തത, ആളുകളും വാഹനങ്ങളും കടകളും മറ്റും പിറകോട്ട് ഓടുന്നത് നോക്കി വെറുതെ ഇരുന്നു.

ഇപ്പോള്‍ ഞാന്‍ ഓടി ഓടി മുന്നില്‍ എത്തിയിരിക്കുന്നു.. മുന്നില്‍ ഞാന്‍ ഒറ്റയ്ക്കാണ്.. ഇനി ഞാന്‍ അങ്ങനെ ഒറ്റയ്ക്ക് ഓടികൊണ്ടിരിക്കും.. എന്തെല്ലാമാണ് ഞാന്‍ ചിന്തിക്കുന്നത്,, വല്ലാത്ത ദാഹം കുറച്ച്‌ വെള്ളം കിട്ടിയിരുന്നെങ്കില്‍.

'ടിക്കറ്റ്‌ ടിക്കറ്റ്‌,.' ഞാന്‍ തലതിരിച്ചു നോക്കി. അയാള്‍ എന്തിനാണ് എന്‍റെ നേരെ കൈ നീട്ടുന്നത്

'എന്തേ..' ഞാന്‍ ചോദിച്ചു.

പെമ്പിള്ളേരെ വളയ്ക്കാന്‍ പതിനൊന്ന് വഴികള്‍

സത്യത്തില്‍ ഒരുപാട് പെണ്ണുങ്ങളെ ഒന്നും ഞാന്‍ വളച്ചിട്ടില്ല, എന്‍റെ മുഖം കണ്ടാല്‍ അറിയാം, ഞാന്‍ പക്കാ ഡീസന്റ്‌ പാര്‍ട്ടിയാണ്..! 

ഞാന്‍ പറയുന്നത് സ്വന്തം പെണ്ണിനെ വളയ്ക്കുന്നതിനെ കുറിച്ചാണ് അങ്ങനെ പറഞ്ഞാലും ശരിയാകില്ല പെണ്ണിനെ കെട്ടിയ ഉടനെ എങ്ങനെ വളയ്ക്കാം എന്നതിനെക്കുറിച്ച് ആണ്, കാരണം അപ്പോള്‍ മാത്രമാണ് കുറച്ചെങ്കിലും അവളെ വളയ്ക്കാന്‍ കഴിയൂ 

അത് കഴിഞ്ഞാല്‍ പിന്നെ അവര്‍ പാറയില്‍ കൊത്തിയതാ നിങ്ങളല്ല നിങ്ങടെ അപ്പൂപ്പന്‍ വിചാരിച്ചാല്‍ വളയില്ല. വളയ്ക്കാന്‍ തുടങ്ങുന്നതിനു  മുന്‍പ്‌ നമുക്കൊരു കഥയാവാം..

അപ്പൊ അതാണ്‌ ഡൈനിംഗ്..

സമയം ഏകദേശം വൈകീട്ട് എട്ടു മണിയെങ്കിലും ആയി കാണും. സൂര്യന്‍ ഇപ്പോഴും നാട്ടിലെ മൂന്നുകാരന്‍റെ യൌവ്വനത്തിന്റെ തുടിപ്പുമായി തിളങ്ങി നില്‍ക്കുന്നു. നെതെര്‍ലാന്‍ഡില്‍ അങ്ങനെയാണ് വൈകീട്ട് ഒന്‍പത് മണിക്കെല്ലാം ആണ് സൂര്യന്‍ ചന്ദ്രന് വഴിമാറിക്കൊടുക്കുക. പകലിന് ഒരുപാട് നീളം കൂടുതല്‍ ആണ്. ഞങ്ങള്‍ മൂന്ന് പേര്‍ ഞാനും, ഒമറും, അലാ മറിയും അന്നത്തെ ജോലി കഴിഞ്ഞ് മടങ്ങുകയായിരുന്നു. 

'ഇന്ന് നമുക്കൊരു ഫ്രഞ്ച് ഡിന്നര്‍ ആയാലോ..' അഭിപ്രായം ഒമറിന്റെതാണ്, വേണ്ടാ നമുക്ക് പിസ്സ മതി അലാ പറഞ്ഞു. അവന് പിസ്സയെക്കാള്‍ അത് സെര്‍വ് ചെയ്യന്ന സുന്ദരിയേ കാണാന്‍ ആണ്, അവളെ നോക്കിയിരുന്നാല്‍ താനേ പിസ്സക്ക് രുചി കൂടും.

വെറുതെ ഒരു എസ്റ്റൂ

ലേഖകന്‍ ഒരു ഗ്യാലക്സി എസ്റ്റൂ വാങ്ങാന്‍ ദാഹിച്ചു മോഹിച്ചു നടന്ന കഥയുടേ ഒന്നാം ഭാഗം ഇവിടെ വായിക്കാം. കയ്യെത്തുന്ന ദൂരത്തില്‍ നിന്നും എസ്റ്റൂ വഴുതിപ്പോയ കദനകഥ രണ്ടാം ഭാഗം ഇവിടെ വായിക്കാം.

'നീ വിശേഷം അറിഞ്ഞില്ലേ..' അഭി ഫോണില്‍ നല്ല ഫോമിലാ.

'ഇല്ല.. എന്താടാ പ്രശ്നം..' ഞാന്‍ ചോദിച്ചു.

'നിനക്ക് ഞങ്ങള്‍ ഒരു എസ്റ്റൂ തരാന്‍ തീരുമാനിച്ചു..'

പാവങ്ങള്‍ എന്‍റെ ബ്ലോഗ്‌ വായിച്ച് പാട്ട പിരിവ് എടുത്ത് കാണും, അസി അറിയണ്ട അവള്‍ മാനക്കേട് കൊണ്ട് ഇപ്പോള്‍ തന്നെ എന്‍റെ ബ്ലോഗ്‌ വായിക്കുന്ന ഒരുത്തനുമായും  മിണ്ടാറില്ല.

അഭി നല്ലോനാ, സ്നേഹമുള്ളോനാ - പിരിവ് നടത്തിയിട്ടാണ്, എങ്കില്‍ പോലും..അവനു മാത്രമല്ലേ എനിക്കിത് വാങ്ങിത്തരാന്‍ തോന്നിയത്..

മുല്ലപ്പൂവിന്‍റെ മണമുള്ളവന്‍

കുളിച്ചിട്ടും അങ്ങ് ഫ്രഷ്‌ ആവാത്ത പോലെ, വല്ല മണവും ഉണ്ടോയെന്ന് നോക്യേ.

അവള്‍ ചോദിച്ച് ഇതെന്താ ഇന്നൊരു പ്രത്യേകത, കുളിക്കുന്ന പുതിയ വല്ല മോഡലും ഇന്റര്‍നെറ്റില്‍ നിന്നും കിട്ടിയോ.

ചൂട് കാലമല്ലേ കുളിച്ച് പുറത്തിറങ്ങുമ്പോള്‍ തന്നെ വിയര്‍ക്കുന്നത് കൊണ്ട് തോന്നുന്നതാവും ഞാന്‍ പറഞ്ഞു.

മണത്തു നോക്കി അവള്‍ സര്‍ട്ടിഫൈ ചെയ്തു - ഒരു നാറ്റവും ഇല്ലാട്ടോ, അല്ലെങ്കില്‍ തന്നെ എന്‍റെ ചെക്കന് മുല്ലപ്പൂവിന്‍റെ മണമല്ലേ.!

പെണ്ണൊരുമ്പെട്ടാല്‍

പെണ്ണ് അവള്‍ സഹോദരിയാണ്, അമ്മയാണ്, മകളാണ്, ഭാര്യയാണ്, കുക്കാണ്, അങ്ങാടിയില്‍ തോറ്റാല്‍ ദേഷ്യം തീര്‍ക്കാന്‍ ഉള്ള ചവിട്ടിയാണ്  നിങ്ങള്‍ വല്ല കവിയോടോ എഴുത്തുകാരനോടോ ചോദിച്ചാല്‍ പിന്നെ അവള്‍ ദേവിയും, ലക്ഷ്മിയും, പ്രപഞ്ച ലയവും, കവിതയും, കാമിനിയും ശില്‍പ്പവും ഒക്കെ ആയി ഒരു സംഭവമായിക്കളയും.

ശ്ശെടാ ലവള്‍ ഇത്രക്ക്‌ ഒക്കെ ഉഷാറായിട്ടാണോ ഞാന്‍ ഇങ്ങനെ എല്ലാം അവളോട്.. ഛെ മോശമായി ഇനിയെങ്കിലും അവളെ കാര്യമായി ഒന്ന് ബഹുമാനിച്ചു കളയാം, എന്തായാലും ഇവരോട് തന്നെ ചോദിച്ചു നോക്കാം ഇവരെല്ലാം എങ്ങനെയാ പെണ്ണുങ്ങളോട് പെരുമാറുന്നത് എന്ന്..

ജിദ്ദയിലെ വിനോദങ്ങള്‍ – പാരാമോട്ടോറിംഗ്

പറക്കാന്‍ ഇഷ്ടമല്ലാത്തവര്‍ കാണോ, സംശയമാണ്. വിമാനത്തില്‍ പറക്കുമ്പോള്‍ നമ്മള്‍ സത്യത്തില്‍ ഒന്നും അറിയുന്നില്ല.

ശരിക്കും പക്ഷികളെ പോലെ ആകാശത്തില്‍ വട്ടമിട്ട് പറക്കാനായാല്‍ മുഖത്തെല്ലാം കാറ്റ് തഴുകുമ്പോള്‍ എന്തൊരു രസമായിരിക്കും.

താഴെക്ക് നോക്കുമ്പോള്‍ നടന്നു പോവുന്ന ആളുകളെ  എറുമ്പുകള്‍ പോലെ കാണാം, കടലിനു മുകളിലൂടെ ആകാശങ്ങളെ കീഴടക്കാന്‍ മനിതന്‍ ഒരുക്കുന്ന ഗോപുരങ്ങള്‍ക്ക് മുകളിലൂടെ ഒരു പറക്കും പരവതാനിയിലെ യാത്ര പോലൊന്ന് വേണോ നിങ്ങള്‍ക്കും, അതിനുള്ള അവസരം ഇവിടെ ജിദ്ദയില്‍ ഉണ്ട്.!

പാരാമോട്ടോറിംഗ് എന്നും പവേര്‍ഡ് പാരഷൂട്ട്‌ (PPC) എന്നും അറിയപ്പെടുന്ന ഈ വിനോദം ജിദ്ദയില്‍ ഒരുക്കിയിരിക്കുന്നത് സൗദി ഏവിയെഷന്‍ ക്ലബ്‌ ആണ്.!

ആദ്യഹത്യ

ക്രൂരനാണ് നീ, നിനക്കെങ്ങനെ കഴിഞ്ഞു, സ്വന്തം മോളെപ്പോലെ അല്ലെ ഞാന്‍ അവളെ വളര്‍ത്തിയത്‌, നീയും അങ്ങനെ അല്ലെ കണ്ടത്.., നമ്മുടെ മോനെ ഓര്‍ത്തോ നീ.., അവന്‍റെ ഒരേ ഒരു കൂട്ടല്ലേ നീ നശിപ്പിച്ചത്..

അവള്‍ ഏങ്ങി ഏങ്ങി കരഞ്ഞുകൊണ്ട് അവന്‍റെ മാറത്തടിച്ചു പുലമ്പിക്കൊണ്ടിരുന്നു.

ഒന്നും മിണ്ടാതെ കുറ്റവാളിയായി അവന്‍ നിന്നു.. അവളെ ആശ്വസിപ്പിക്കാന്‍ അവന്‍റെ കൈകള്‍ നീണ്ടു..

മരണത്തിന്‍റെ നിറം

'എല്ലാവരും ഒന്ന് പുറത്തേക്ക് നിന്നെ.. പ്ലീസ്' സിസ്റ്റര്‍ ഞങ്ങളോട്‌ ആവശ്യപ്പെട്ടു.

മടിച്ചു മടിച്ച് എന്‍റെ സഹോദരി ഐസിയു വില്‍നിന്നും പുറത്തിറങ്ങി.

'ദയവു ചെയ്തു പുറത്തു നില്‍ക്കൂ, ഞങ്ങള്‍ക്ക്‌ കുറച്ച് പ്രൊസീജര്‍ ഉണ്ട്' അവര്‍ എന്നോട് വീണ്ടും നിര്‍ബന്ധിച്ചു.

'ക്ഷമിക്കണം എനിക്കിറങ്ങാന്‍ ആവില്ല, നിങ്ങളുടെ പ്രൊസീജര്‍ എന്‍റെ മുന്നില്‍ വെച്ചു ചെയ്യാം, സഹായം വേണമെങ്കില്‍ എന്നോട് പറയാം..' എനിക്കേറ്റവും പ്രിയപ്പെട്ട ആ ശരീരം ആര്‍ക്കെങ്കിലും വിട്ടു കൊടുക്കാന്‍ ഞാന്‍ ഒരുക്കമല്ലായിരുന്നു.

എസ്റ്റൂന്‍റെ ഒരു പുളി

വേണം എനിക്കും ഒരു എസ്ടു എന്ന പോസ്റ്റിന്റെ തുടര്‍ച്ചയാണ് ഈ പോസ്റ്റ്‌. ആ പോസ്റ്റ്‌ വായിക്കാത്തവര്‍ ആദ്യം അതിവിടെ വായിക്കുക..

2011 ലെ ഏറ്റവും നല്ല ഫോണ്‍ ആയി GSMA ഗാലക്സി എസ്റ്റൂവിനെ തിരഞ്ഞെടുത്തു. വെറുതെയല്ല ഇത്രയും കാലം എസ്റ്റൂ എന്നെ കൊതിപ്പിച്ചത്.

ഇനി വാങ്ങിക്കാന്‍ വൈകണ്ട.. എന്താ മാര്‍ക്കറ്റ്‌ പ്രൈസ് എന്ന് ജരീറിന്റെ സൈറ്റില്‍ പോയി നോക്കിയപ്പോള്‍ അവിടെ അതാ മറ്റൊരു നല്ല ഓഫര്‍. ഒരു i5 (ഐഫൈവ്) ലാപ്ടോപിന്റെ കൂടെ ഒരു ഗാലക്സി വൈ ഫോണും മറ്റ് ആറു സമ്മാനങ്ങളും 2700 റിയാലിന്.

ഈ കോണ്‍ഫിഗറേഷന്‍ ഉള്ള ഒരു മാതിരി എല്ലാ ലാപ്ടോപ്പിനും ഏകദേശം ഈ വില വരുന്നുണ്ട്. അതായത് സമ്മാനങ്ങള്‍ മുക്കാലും ശരിക്കും ഫ്രീ ആണെന്ന് ചുരുക്കം.

സുന്ന്യോ ഞാനോ ഇന്‍റെ ബദരീങ്ങളെ

ഇസ്ലാമിന്‍റെ വെത്യസ്ഥ വിഭാഗങ്ങളുടെ മുന്നില്‍ പകച്ചു നില്‍ക്കുന്ന ഒരു സാധാരണ മലബാറുകാരനെ ആക്ഷേപ ഹാസ്യത്തില്‍ പരിചയപ്പെടുത്തുകയാണ് ഇവിടെ. മറ്റു മതസ്ഥര്‍ ക്ഷമിക്കുമല്ലോ..വക്കാര്‍ത്ഥങ്ങള്‍ ആവശ്യമുള്ളവര്‍ക്ക് പോസ്റ്റിനു താഴെ അവ നല്‍കിയിട്ടുണ്ട്.

പിന്നിന്ന് ഒരു കൂട്ടച്ചിരി കേട്ടോ ന്ന് ഒരു സംസയം, സംസയല്ല കേട്ടക്ക്ണു, ഇന്ക്ക് തിരിഞ്ഞ് നോക്കാന്‍ ദൈര്യം ണ്ടായീല. ന്‍റെ മക്കളെ, ഇട്ത്തീ തൂറ്യമായിരി ഞാന്‍ ബഷളായി നിന്നു. ഇത്രീം കാലായിട്ടും, അന്നങ്ങനെ പറയാന്‍ തോന്നീല് ന്‍റെ തൊലിങ്ങനെ പൊളിഞ്ഞു ബരാണ്. 

എട്ടു കൊല്ലം മുന്‍പ് ദമ്മാമില്‍ ഉള്ള ആ മദ്രസകുട്യേളെ വാപ്പാരെ കാണാന്‍ ബുള്‍ച്ച മീറ്റിങ്ങില് കണ്ടമാനം ആള്‍ക്കാരെടീന്നു, ആ കുരുത്തം കെട്ട മോലിയാര്‍ ഇണിച്ച് നിക്കിണ ‍ഇന്നോട് ചോയ്ച്ചു 'അപ്പൊ ഇങ്ങള് ഏതു ഗ്രൂപ്പാ.?'

വേണം എനിക്കും ഒരു എസ്ടു..

'നോക്ക് എന്‍റെ ഫോണ്‍ വീണ്ടും സ്വിച്ച്ഓഫ്‌ ആയി' ഞാന്‍ അവളോട്‌ വിളിച്ചു പറഞ്ഞു.
'നമുക്ക് വാങ്ങാം, എസ്ടു തന്നെ.. വാങ്ങാം' ചിരിച്ചുകൊണ്ട് അവള്‍ അടുക്കളയില്‍ നിന്നും മറുപടി തന്നു.

ഇതിപ്പോ കുറെ പ്രാവശ്യമായി, ഇടക്ക് നോക്കുമ്പോള്‍ കാണാം ഫോണ്‍ സ്വിച്ച്ഓഫ്‌ ആയി കിടക്കുന്നത്.

Andorid ഫോണുകള്‍ മാര്‍ക്കറ്റില്‍ ഇറങ്ങിയ ഉടനെ വാങ്ങിയ HTC Wildfire ആണ് എന്‍റെ കയ്യില്‍ ഉള്ളത്. അന്ന് മാര്‍ക്കറ്റില്‍ ഉള്ള ഏറ്റവും വില കുറഞ്ഞ Andorid ഫോണ്‍ ആയിരുന്നു അത്. കൂടുതല്‍ വൈകാതെ സാംസങ്ങ് ഗാലക്സി എസ്ടു ഇറക്കി.

മക്കളെ അടിച്ചു വളര്‍ത്തണോ

എന്‍റെ ഉപ്പ മക്കളെ അടിച്ചാണ് വളര്‍ത്തിയത്‌, ഒന്നേ ഉള്ളുവെങ്കില്‍ ഉലക്ക കൊണ്ട് അടിച്ച് വളര്‍ത്തണം എന്ന ചൊല്ല് എല്ലാ അര്‍ത്ഥത്തിലും പ്രയോഗത്തില്‍ വരുത്തി. ഉലക്ക എടുക്കുന്നതിന് മുന്‍പ് മക്കള്‍ ഓടി രക്ഷപ്പെടാതിരിക്കാന്‍ അവരെ ആദ്യം കെട്ടിയിട്ടു.

എന്‍റെ ഉപ്പ മാത്രമല്ല അന്നത്തെ കാലത്തെ മിക്ക ഉപ്പമാരും ഇങ്ങനെ തന്നെയാണ് മക്കളെ സ്നേഹിച്ച് വളര്‍ത്തിയത്‌, അത് വളരെ സ്വാഭാവികം ആയിരുന്നു അത് കൊണ്ട് തന്നെ മക്കള്‍ക്ക്‌ അത് സ്വീകാര്യവും ആയിരുന്നു.

എന്നിട്ടും പട്ടിക്കാ മുറുമുറുപ്പ്

എന്‍റെ ഒരു കാഴ്ചപ്പാടില്‍ ഒരു മാതിരി വിവാഹമോചനം എല്ലാം ആണുങ്ങള്‍ കാരണം തുടങ്ങി വെക്കുന്നതാ.

അത് പിന്നെ തനിക്ക് ഞാന്‍ കെട്ടിയ താടകയെ പരിജയമില്ലാഞ്ഞിട്ടാ.

താടകയെ താന്‍ കെട്ടിയത് കൊണ്ടല്ലേ എടോ താനിപ്പോ വിവാഹമോചനം തേടി നടക്കുന്നത്, അത് ആരുടെ കുറ്റമാ..

അത് എന്‍റെ കുറ്റമല്ല, ചക്കയോന്നുമല്ലല്ലോ ചൂണ്ട് നോക്കാന്‍, കെട്ടി കഴിഞ്ഞാണ് അവളുടെ സ്വഭാവം ഇതാണ് എന്ന് മനസ്സിലായത്‌.

അറബിക്കഥയിലെ രാജകുമാരി

എങ്ങനെ ഉണ്ടെടോ തന്‍റെ പുതിയ ജോലി

ഓ അതെല്ലാം നല്ല ഉഷാറാ യൂണിവേര്‍സിറ്റി അല്ലെ പണി കാര്യമായി ഒന്നുമില്ല, നല്ല സുഖമാ.

നീ എന്താ ഈ നേരത്ത്‌ ഇവിടെ


അത് പിന്നെ ഞാന്‍ ലീവിലാണ് ഒരാഴ്ച്ചക്ക് കുറച്ചു പേപ്പര്‍സ് എല്ലാം ശരിയാക്കാന്‍ ഉണ്ട്.

എന്‍റെ കൂട്ടുകാരന്‍ ആണവന്‍, കൂടെ ജോലി ചെയ്തിരുന്നവന്‍, നല്ല ഒരു സൗദി പയ്യന്‍, ഈ അടുത്താണ് മറ്റൊരു നല്ല ജോലി അവനു കിട്ടിയപ്പോള്‍ ഞങ്ങള്‍ പിരിഞ്ഞത്.

കരാട്ടെ ബ്ലാക്ക്ബെല്റ്റ്‌ (മൈനസ് വണ്‍)

ഊട്ടിയിലെ തണുത്ത വിരസമായ സായഹ്നത്തിന്‍റെ നിശ്ശബ്ദത തകര്‍ത്തു കൊണ്ടു രണ്ടു ജീപ്പുകള്‍ ചീറിപാഞ്ഞു വന്ന് ആ ഹോട്ടലിനു മുന്നില്‍ ചവിട്ടി നിര്‍ത്തി.

പതിനഞ്ചോളം ചെറുപ്പക്കാര്‍ വണ്ടിയില്‍ നിന്നും ചാടിയിറങ്ങി ഹോട്ടലിനകത്തെക്ക് ഓടിക്കയറി.

'എങ്കേഡാ ആ പിച്ചക്കാരന്‍' ആക്രോശിച്ചു കൊണ്ട് അതിലോരുവാന്‍ തന്‍റെ ഗ്ലൌസ് ഇട്ട കൈകള്‍ കൊണ്ടു ഒരു വലിയ കണ്ണാടിയില്‍ ആഞ്ഞടിച്ചു, അവിടമെങ്ങും കുപ്പിചില്ലുകള്‍ ചിതറി.

നീ ഒരു മകനല്ല അവള്‍ ഒരു മകളും

നോക്ക് നീ ആ വീട്ടില്‍ ഇത്ര സ്വാതന്ത്ര്യം എടുക്കരുത് നമ്മള്‍ അവരെ വ്യക്തമായ ഒരു അകലത്തില്‍ നിര്‍ത്തണം.

ഞാന്‍ പറഞ്ഞത് ഉള്‍കൊള്ളാന്‍ ആവാതെ അവന്‍ എന്നെ പകച്ചു നോക്കി. അവനവിടെ വലിയ സന്തോഷം ആയിരുന്നു. കൂട്ടുകാരെ പോലെ ഒരു സഹോദരനും ഒരു ഉപ്പയും.

എനിക്കവനെ വലിയ ഇഷ്ടമാണ്, കഠിനമായി അധ്വനിക്കുന്നവനും, ചിരിച്ചുകൊണ്ട് മാത്രം സംസാരിക്കുന്നവാനുമായ അവന്‍റെ ഉയര്‍ന്ന ചിന്തകള്‍ പലപ്പോഴും എന്നെ അദ്ഭുതപെടുത്തിയിട്ടുണ്ട്.

എന്താടാ മാക്‌ഡോണാള്‍സേ ഈ കേക്കണേ

വക്കാര്‍ത്ഥങ്ങള്‍ ആവശ്യമുള്ളവര്‍ക്ക് പോസ്റ്റിനു താഴെ അവ നല്‍കിയിട്ടുണ്ട്.

ഇങ്ങള് കേട്ടീലെ കോയാ ആ ഹറാം പിറന്ന മാക്‌ഡോണാള്‍സാരന്‍ കാട്യ പണി.

മ്മളെ പിഞ്ചു മക്കളെ ഓന്‍ ഇത് വരെ പ്ലാസ്റെര്‍ ഓഫ് പാരീസ്‌ തീറ്റിക്കേര്‍ന്നു..

അതെന്നേ..ഇങ്ങക്കറീല്ലേ കുട്ട്യോള്‍ക്ക് ഓലെ ബര്‍ഗര്‍ പെരുത്തിഷ്ടാന്ന്, ഓല് ഈ ബര്‍ഗര്‍ന്‍റെ ബന്ന് മയള്ളതാക്കാന്‍ ചേര്‍ക്ക്ണ സാധാനങ്ങള്‍ എന്തൊക്കെന്ന് ഇങ്ങള് കേട്ടാല്‍ അന്തംബിട്ട് നിക്കും..

ക്ടാവിന്‍റെ വാക്സിനേഷന്‍

'പാ ബൂണ്ട്' എന്‍റെ മുഖം പിടിച്ചു താഴ്ത്തി അവളുടെ പിഞ്ചു ചുണ്ടുകള്‍ എന്‍റെ കവിളില്‍ ചേര്‍ക്കുമ്പോള്‍ ജോ പറഞ്ഞു 'അബ്ബാ'.

അവളുടെ ചുണ്ടുകള്‍ കവിളില്‍ തട്ടിയപ്പോള്‍ പനിച്ചു പൊള്ളുന്നത് ഞാന്‍ അറിഞ്ഞു.

എന്‍റെ ഒന്നര വയസ്സായ മകള്‍ വീണ്ടും പറഞ്ഞു 'പാ ബൂണ്ട്'.

അവളുടെ കുഞ്ഞുലോകത്ത്‌ ഭാഷകള്‍ വശ്യവും ലളിതവുമാണ്. 'അബ്ബാ' എന്നാല്‍ ഉമ്മയും 'ബൂണ്ട്' എന്നാല്‍ വേദനയും 'ച്ചണ്ട്' എന്നാല്‍ രസമുണ്ട് എന്നും.

ഷൂട്ടിംഗ്

ആ നിങ്ങള്‍ എത്തിയോ, ഞങ്ങള്‍ കാത്തിരിക്കുകയായിരുന്നു. എന്നാ നമുക്ക് ഷൂട്ടിംഗ് തുടങ്ങാം.

ഇതൊരു ഷോര്‍ട്ട് ഫിലിം ആണ്. നിങ്ങള്‍ ആണ് നായകന്‍.

ഇത് റംല നിങ്ങളുടെ ഭാര്യ, ഇത് ചിന്നു നിങ്ങളുടെ ഒരേ ഒരു മകള്‍, രണ്ടാം ക്ലാസ്സില്‍ പഠിക്കുന്നു. ഈ സീനില്‍ നിങ്ങള്‍ മൂന്നു പേര്‍ മാത്രം ഉള്ളൂ.

സ്റ്റോറി ബോര്‍ഡ്‌ ഇല്ല, എങ്കിലും സീന്‍ പറയാം. നിങ്ങള്‍ പത്രം വായനയില്‍ മുഴുകി ഇരിക്കുന്നു, ഭാര്യ ബുക്ക്‌ഷെല്‍ഫിനടുത്ത് പൊടിയെല്ലാം തട്ടി നില്‍പ്പുണ്ട്. ചിന്നു ഒരു പേപ്പറുമായി നിങ്ങളുടെ അടുത്തു വരുന്നു.

താഴേക്ക് നോക്കാത്തവര്‍

"മീന്‍ കനംകുറച്ച് അരിയണം.." അവന് മനസ്സില്‍ ആകാന്‍ ആഗ്യംത്തിലൂടെയും, മുറി ഹിന്ദിയിലും മറ്റും ഞാന്‍ അവതരിപ്പിച്ചു. ഈ ബംഗാളിയോട് പറഞ്ഞിട്ട് ഒരു കാര്യവും ഇല്ല, വലിയ മുട്ടന്‍ കഷ്ണങ്ങള്‍ ആക്കി നുറുക്കി തരും, മീനിന്‍റെ പെറ്റ തള്ള കണ്ടാല്‍ സഹിക്കില്ല, അമ്മാതിരി സൈസ്. 

പൊരിച്ചു തിന്നാന്‍ ഒരു രസവും കാണില്ല, വലിയ മീനുകള്‍ വീട്ടിലെ കത്തിയില്‍ ഒന്നും പിടി തരില്ല അതാ കാര്യമൊന്നുമില്ലെങ്കിലും ഇവന്മാരോടു സോപ്പ് ഇടുന്നത്. മുറിച്ചു കഴിഞ്ഞാല്‍ അവന്‍ ഡീസന്റ് ആയി കൈ നീട്ടും. ഒരു റിയാല്‍ കൊടുത്താല്‍ അവന്‍റെ ദഹിപ്പിക്കുന്ന ആ നോട്ടത്തില്‍ നമ്മുടെ മീന്‍ പാതി വെന്തു പോവും. 

ഇന്നിന്‍റെ ഒറ്റമൂലി

'എന്‍റെ ചങ്ക് കരിഞ്ഞിരിക്കുന്നു, ശ്വാസം വലിക്കുമ്പോള്‍ വിസില്‍ അടിക്കുന്നു, എന്‍റെ തല ഇതാ ഇവിടെ കട്ടയായിരിക്കുന്നു, എനിക്ക് ഹാര്‍ട്ട്‌ അറ്റാക്ക്‌ വരുന്നുണ്ട് എന്ന് തോന്നുന്നു'. എന്‍റെ മകന്‍ രാവിലെ തന്നെ അസിയോട്‌ രോഗങ്ങളുടെ കെട്ടഴിച്ചു.

അവന്‍റെ ഭാഷ ഒന്നു വേറെ തന്നെയാണ്. ഞങ്ങള്‍ പറയുന്നതൊന്നും അവന്‍ അംഗീകരിക്കാറില്ല, അവന്‍ പറയുന്നത് പലതും ഞങ്ങള്‍ക്ക് മനസ്സില്‍ ആകാറുമില്ല.

സംഗതി ഇവന് ചെറിയൊരു പനിയും, തണുപ്പ് കൊണ്ടു കുറച്ചു കഫവും ഉണ്ട്, ചെറിയ പൊടികൈ കൊണ്ടു രണ്ടു ദിവസത്തിനകം മാറാവുന്നതെ ഉള്ളൂ.

പസ്സില്‍: റോസിന്റെ ഇതളുകള്‍

ആയിരക്കണക്കിന്‌ ബ്ലോഗ്ഗര്‍മാര് ഇങ്ങനെ തലങ്ങും ബെലങ്ങും പാഞ്ഞ് നടക്കുമ്പോ ഞമ്മക്ക് തോന്നി അയിന്റെ എടീന്ന് കൊറച്ച് പുല്യേളെ (പുലിച്ചിനേം) കണ്ട് പിടിച്ച് ഒരു ടീം അങ്ങട്ട്  ണ്ടാക്യാലോ ന്ന്.

ആരാപ്പൊ ഇങ്ങളീല് പുലി അതൊന്ന് അറ്യാലോ ഞമ്മക്ക്‌. ഇത് ഒരു പസ്സിലാണ്. പസ്സില് എന്ന് പറഞ്ഞാല്‍ ഒരു ഒന്നര ഒന്നേമുക്കാല്‍ പസ്സില്. ഇതിന്റെ ഉത്തരം കറക്റ്റ് കിട്ടിണ പുലിക്കുട്ട്യേക്ക് ഞമ്മള്‍ ഒരു പുലിപ്പട്ടം കൊടുത്തു അവരുടെ പേര് ഈ ലിസ്റ്റില്‍ ഇടും. ഇങ്ങളും ഒരു കൈയ്യ് നോക്കി കോയാ, അടിച്ചാ പ്രൈസ്‌ കിട്ടോ ന്ന് അറിയാലോ

ഇങ്ങ പല്ലു തേക്കല്‍ണ്ട കോയാ

ഇടക്കെങ്കിലും പല്ലു തേക്കാറുണ്ടെങ്കില്‍ നിങ്ങള്‍ ടൂത്ത്‌പേസ്റ്റ് കാണാതിരിക്കാന്‍ വഴിയില്ല. ടൂത്ത്‌പേസ്റ്റിനു പല്ലു തേപ്പിനെക്കാള്‍ നല്ല പല പണിയും അറിയാം എന്ന് അറിയാമോ. ഇല്ലേ എന്നാ കേട്ടോളീ..

നിങ്ങള്‍ക്ക്‌ പൊള്ളീട്ട്ണ്ടാ, തീ പൊള്ളല്‍ എറ്റിട്ടുണ്ടോ എന്നാ ചോദ്യം. പൊള്ളന്‍ വന്നാല്‍ നീര് വന്ന് വീര്‍ക്കുക മാത്രമല്ല അസഹ്യം നീറ്റലാണ് അതും പോരാഞ്ഞ് തൊലിയുടെ കളറും മാറി ചിലപ്പോള്‍ പാടും വിഴും. തേന്‍ പൊള്ളലിനു നല്ലതാത്രേ, അതിന് തേന്‍ പോള്ളുവോളം ബാക്കി ഇരുന്നിട്ട് വേണ്ടേ. അതെപ്പോ തീര്‍ന്നെന്നു ചോദിച്ചാ മതി.

Dengue Fever Remedy

As received in a mail..

PASS THIS INFORMATION TO AS MANY AS YOU CAN, IT MAY SAVE LIVES.

I would like to share this interesting discovery from a classmate's son who has just recovered from dengue fever. Apparently, his son was in the critical stage at the ICU when his blood platelet count drops to 15 after 15 liters of blood transfusion.

His father was so worried that he seeks another friend's recommendation and his son was saved. He confessed to me that he gave his son raw juice of the papaya leaves. From a platelet count of 45 after 20 liters of blood transfusion, and after drinking the raw papaya leaf juice, his platelet count jumps instantly to 135. Even the doctors and nurses were surprised. After the second day he was discharged. So he asked me to pass this good news around.

നല്ല പാസ്സ്‌വേര്‍ഡ്‌

എങ്ങനെ ഒരു നല്ല പാസ്സ്‌വേര്‍ഡ്‌ ഉണ്ടാക്കാം.

ഇന്ന് നമ്മള്‍ എല്ലാം ഇന്റര്‍നെറ്റ്‌ ഒരു രീതിയില്‍ അല്ലെങ്കില്‍ മറ്റൊരു രീതിയില്‍ ഉപയോഗിക്കുന്നു, നമ്മള്‍ സ്ഥിരമായി വിസിറ്റ് ചെയ്യുന്ന പല സൈറ്റ്കളിലും പാസ്സ്‌വേര്‍ഡ്‌ ആവശ്യമാണ്.

അധികപേരും പൊതുവേ എടുക്കാറുള്ളത് 'എല്ലായിടത്തും ഒരേ പാസ്സ്‌വേര്‍ഡ്‌' എന്ന നയമാണ്. അതിന് കാരണം വെത്യസ്ഥ പാസ്സ്‌വേര്‍ഡ്‌ ഓര്‍മയില്‍ വെക്കാന്‍ ഉള്ള ബുദ്ധിമുട്ട് ആണ്.

Life School

When was the last time you had to worry about what sin(x)/cos(x) is or the last time you had to remember that an Amoeba is a tiny, one-celled organism that moves by changing the shape of their body or was asked who the founder of the Mughal Empire was? The truth is most of us, probably 90% or more, never ever looked back to what we learned once we left our schools. Many of us where pretty well in studies, had shown brilliance and intelligence that were paraded by our parents with pride.

What happened to those l'le prodigies like us?.  Like the old saying, the truth is, we all were intelligent, but education ruined us. Look around you, all the bright guys ended up in 9 to 5 jobs like you n me and the whole left over’s in the class, the back benchers, well they now travel in Benz and Prado’s. They turned around and became rich, after all 'a secure future with a decent job' was not an option given to them anyway.

ഗുഡ്ബൈ 2011 ഗുഡ്ബൈ ഫേസ്ബുക്ക്

പോയ വര്‍ഷം എനിക്കേറ്റവും സന്തോഷം തന്ന ഒരു കാര്യമാണ് ഫേസ്ബുക്കിനോട് ഗുഡ്ബൈ പറഞത്.

ഫേസ്ബുക്ക് ഒരു വലിയ ചോര്‍ച്ച ആണെന്ന് മനസ്സിലാക്കി അതില്‍നിന്നും ഞാന്‍ കഴിവതും ഒഴിഞ്ഞു നില്ക്കാറുണ്ടായിരുന്നുവെങ്കിലും എപ്പോഴെങ്കിലും കുറച്ച് സമയം അതിന് വേണ്ടി ചിലവഴിച്ചാല്‍ അത് മണിക്കൂറുകള്‍ എന്നില്‍ നിന്നും അടര്‍ത്തി മാറ്റുന്നതു എന്നെ അലോസരപ്പെടുത്താര്‍ തുടങ്ങിയിട്ട് കുറച്ച് കാലമായി. 

'എത്ര സമയമാ ഒരു കാര്യവുമില്ലാതെ..' എന്ന് ചിന്തിക്കാതെ ഒരിക്കലും അതിന് മുന്നില്‍ നിന്നും എഴുന്നേല്ക്കാറില്ല. ഇതെല്ലാം ആയിട്ടും ഫേസ്ബുക്ക് ഇത്രയും കാലം കടിച്ചു തൂങ്ങി പിടിച്ച്‌ നിന്നു എന്‍റെ ജീവിതത്തില്‍, അവള്‍ വിളിക്കുന്നത്‌ വരെ..