അപ്പൊ അതാണ്‌ ഡൈനിംഗ്..

സമയം ഏകദേശം വൈകീട്ട് എട്ടു മണിയെങ്കിലും ആയി കാണും. സൂര്യന്‍ ഇപ്പോഴും നാട്ടിലെ മൂന്നുകാരന്‍റെ യൌവ്വനത്തിന്റെ തുടിപ്പുമായി തിളങ്ങി നില്‍ക്കുന്നു. നെതെര്‍ലാന്‍ഡില്‍ അങ്ങനെയാണ് വൈകീട്ട് ഒന്‍പത് മണിക്കെല്ലാം ആണ് സൂര്യന്‍ ചന്ദ്രന് വഴിമാറിക്കൊടുക്കുക. പകലിന് ഒരുപാട് നീളം കൂടുതല്‍ ആണ്. ഞങ്ങള്‍ മൂന്ന് പേര്‍ ഞാനും, ഒമറും, അലാ മറിയും അന്നത്തെ ജോലി കഴിഞ്ഞ് മടങ്ങുകയായിരുന്നു. 

'ഇന്ന് നമുക്കൊരു ഫ്രഞ്ച് ഡിന്നര്‍ ആയാലോ..' അഭിപ്രായം ഒമറിന്റെതാണ്, വേണ്ടാ നമുക്ക് പിസ്സ മതി അലാ പറഞ്ഞു. അവന് പിസ്സയെക്കാള്‍ അത് സെര്‍വ് ചെയ്യന്ന സുന്ദരിയേ കാണാന്‍ ആണ്, അവളെ നോക്കിയിരുന്നാല്‍ താനേ പിസ്സക്ക് രുചി കൂടും.

വെറുതെ ഒരു എസ്റ്റൂ

ലേഖകന്‍ ഒരു ഗ്യാലക്സി എസ്റ്റൂ വാങ്ങാന്‍ ദാഹിച്ചു മോഹിച്ചു നടന്ന കഥയുടേ ഒന്നാം ഭാഗം ഇവിടെ വായിക്കാം. കയ്യെത്തുന്ന ദൂരത്തില്‍ നിന്നും എസ്റ്റൂ വഴുതിപ്പോയ കദനകഥ രണ്ടാം ഭാഗം ഇവിടെ വായിക്കാം.

'നീ വിശേഷം അറിഞ്ഞില്ലേ..' അഭി ഫോണില്‍ നല്ല ഫോമിലാ.

'ഇല്ല.. എന്താടാ പ്രശ്നം..' ഞാന്‍ ചോദിച്ചു.

'നിനക്ക് ഞങ്ങള്‍ ഒരു എസ്റ്റൂ തരാന്‍ തീരുമാനിച്ചു..'

പാവങ്ങള്‍ എന്‍റെ ബ്ലോഗ്‌ വായിച്ച് പാട്ട പിരിവ് എടുത്ത് കാണും, അസി അറിയണ്ട അവള്‍ മാനക്കേട് കൊണ്ട് ഇപ്പോള്‍ തന്നെ എന്‍റെ ബ്ലോഗ്‌ വായിക്കുന്ന ഒരുത്തനുമായും  മിണ്ടാറില്ല.

അഭി നല്ലോനാ, സ്നേഹമുള്ളോനാ - പിരിവ് നടത്തിയിട്ടാണ്, എങ്കില്‍ പോലും..അവനു മാത്രമല്ലേ എനിക്കിത് വാങ്ങിത്തരാന്‍ തോന്നിയത്..

വേണം എനിക്കും ഒരു എസ്ടു..

'നോക്ക് എന്‍റെ ഫോണ്‍ വീണ്ടും സ്വിച്ച്ഓഫ്‌ ആയി' ഞാന്‍ അവളോട്‌ വിളിച്ചു പറഞ്ഞു.
'നമുക്ക് വാങ്ങാം, എസ്ടു തന്നെ.. വാങ്ങാം' ചിരിച്ചുകൊണ്ട് അവള്‍ അടുക്കളയില്‍ നിന്നും മറുപടി തന്നു.

ഇതിപ്പോ കുറെ പ്രാവശ്യമായി, ഇടക്ക് നോക്കുമ്പോള്‍ കാണാം ഫോണ്‍ സ്വിച്ച്ഓഫ്‌ ആയി കിടക്കുന്നത്.

Andorid ഫോണുകള്‍ മാര്‍ക്കറ്റില്‍ ഇറങ്ങിയ ഉടനെ വാങ്ങിയ HTC Wildfire ആണ് എന്‍റെ കയ്യില്‍ ഉള്ളത്. അന്ന് മാര്‍ക്കറ്റില്‍ ഉള്ള ഏറ്റവും വില കുറഞ്ഞ Andorid ഫോണ്‍ ആയിരുന്നു അത്. കൂടുതല്‍ വൈകാതെ സാംസങ്ങ് ഗാലക്സി എസ്ടു ഇറക്കി.

കരാട്ടെ ബ്ലാക്ക്ബെല്റ്റ്‌ (മൈനസ് വണ്‍)

ഊട്ടിയിലെ തണുത്ത വിരസമായ സായഹ്നത്തിന്‍റെ നിശ്ശബ്ദത തകര്‍ത്തു കൊണ്ടു രണ്ടു ജീപ്പുകള്‍ ചീറിപാഞ്ഞു വന്ന് ആ ഹോട്ടലിനു മുന്നില്‍ ചവിട്ടി നിര്‍ത്തി.

പതിനഞ്ചോളം ചെറുപ്പക്കാര്‍ വണ്ടിയില്‍ നിന്നും ചാടിയിറങ്ങി ഹോട്ടലിനകത്തെക്ക് ഓടിക്കയറി.

'എങ്കേഡാ ആ പിച്ചക്കാരന്‍' ആക്രോശിച്ചു കൊണ്ട് അതിലോരുവാന്‍ തന്‍റെ ഗ്ലൌസ് ഇട്ട കൈകള്‍ കൊണ്ടു ഒരു വലിയ കണ്ണാടിയില്‍ ആഞ്ഞടിച്ചു, അവിടമെങ്ങും കുപ്പിചില്ലുകള്‍ ചിതറി.

ഉപ്പയും ജീന്‍സും പിന്നെ ഞാനും

എന്‍റെ പിതാവ് സ്നേഹത്തിന്‍റെ നിറകുടമായിരുന്നു. വളരെ തീവ്രവും ഭ്രാന്തവും ആയിരുന്നു ഉപ്പാടെ സ്നേഹം. 

സ്നേഹം വന്ന് നിറയുമ്പോള്‍ ആദ്യമെല്ലാം ഉപ്പ ഒരു കയര്‍ എടുക്കുമായിരുന്നു, അത് കൊണ്ട് മക്കളെ കെട്ടിയിടും പിന്നെ പോയി കയ്യെത്തുന്ന ഉയരത്തില്‍ നിന്നും ഒരു കമ്പ് പറിച്ചെടുത്ത് പൊതിരെ ഒരു സ്നേഹ മഴയാണ്, കമ്പ് മുറിയുന്നത്‌ വരെ ആണ് അതിന്‍റെ കണക്ക് അല്ലെങ്കില്‍ ചോര കാണണം.