എന്നേക്കാള്‍ കഴിവുള്ള ഒരു സ്ത്രീയോ..?

ഞാന്‍ ഒരു പുരുഷവാദി അല്ല, സ്ത്രീക്ക്‌ ചെയ്യാവുന്ന എല്ലാ കാര്യങ്ങളും ചെയ്യാന്‍ പുരുഷനാവും എന്ന മണ്ടന്‍ വിശ്വാസവും എനിക്കില്ല.

ഞാന്‍ സ്ത്രീകളുടെ കഴിവുകളെ അംഗീകരിക്കുന്നു. എന്റെ ഉമ്മയെ, എന്റെ ഭാര്യയെ, എന്‍റെ മകളെ എല്ലാം ഞാന്‍ ബഹുമാനിക്കുന്ന. 

ഞാന്‍ ചെയ്യുന്ന മിക്ക ജോലിയും എന്നേക്കാള്‍ നന്നായി ചെയ്യാന്‍ ഇവരില്‍ പലര്‍ക്കും കഴിയും എന്നും, അവര്‍ ചെയ്യുന്ന ഭൂരിപക്ഷം ജോലികളും അത്ര വൃത്തിയായി എനിക്കാവില്ല എന്നും എനിക്കുറപ്പാണ്. പക്ഷെ അതുകൊണ്ടുഒന്നും ഇവര്‍ എന്നേക്കാള്‍ കേമരായി എന്ന് എനിക്ക് തോന്നിയിട്ടില്ല.

യുറോപ്പില്‍ സാധാരണയായി കണ്ടു വരുന്ന ഒരു ചിലന്തി ഉണ്ട് ബ്ലാക്ക്‌ സ്പൈടെര്‍ എന്നാ പേര്. രമിച്ചതിനു ശേഷം പെണ്‍ചിലന്തി ആണ്‍ചിലന്തിയേ കൊന്നു തിന്നുക സാധാരണമാണ്. അതുകൊണ്ട് ഒന്ന് മറ്റൊന്നിനേക്കാള്‍ കേമമാവുമോ. ആണ്‍ കടല്‍ കുതിരകള്‍ക്കാണ്‌ ദൈവം ഗര്‍ഭധാരണം നല്‍കിയത് അതുകൊണ്ട്‌ ആണ്‍ കടല്‍ കുതിരയാണ് കേമന്‍‍ എന്നാണോ.

ദൈവം ആണിനെയും പെണ്ണിനെയും വെത്യസ്തമായി സൃഷ്ടിച്ചു. അവര്‍ക്കു വെത്യസ്തമായ കഴിവുകള്‍ നല്‍കി. അത്‌ ഉള്‍ക്കൊള്ളാന്‍ കഴിയാത്ത മനസ്സുകള്‍ പരസ്പരം മല്‍സരിക്കാനും തുല്യതക്കുവേണ്ടി പോരാടാനും തുനിയുന്നു.

ലീ മിംഗ്വൈ എന്ന ചൈനക്കാരന്‍ ഗര്‍ഭം ധരിച്ച് പ്രസവത്തിനു തുനിയുന്നു. ആണിനും പറ്റും ഈ പണി എന്ന് കാണിക്കാന്‍. ആണ്‍ ആണായിട്ടു നില്‍ക്കാതെ പെണ്ണിനെ പോലെ ജീവിച്ചാല്‍ നമുക്കതില്‍ നിന്നും എന്തെങ്കിലും പാഠം ഉണ്ടോ. പെണ്‍കുട്ടികള്‍ ഇന്ന് രാത്രികളില്‍ പോലും ഒറ്റയ്ക്ക് യാത്രയും, ജോലിയും ചെയ്ത് കുടുംബം നോക്കുന്നു. 

കുടിയും, സെക്സ്ടിങ്ങും, അവിവാഹിതരായ അമ്മമാരും, വിവാഹത്തില്‍ വിശ്വാസമില്ലാത്ത യുവത്വവും ഫ്രീഡം ആസ്വദിക്കുന്നു. ഇതായിരുന്നു ശരിയെങ്കില്‍ എന്തുകൊണ്ടാണ് നമ്മുടെയൊക്കെ ജീവിതത്തില്‍ നിന്നും താളവും സമാധാനം അപ്രത്യക്ഷമായി തുടങ്ങുന്നത്.

എന്‍റെ കൂടെ ജോലിചെയ്ത അധിക പെണ്‍കുട്ടികളെയും ജോലി ചെയ്യാന്‍ പ്രേരിപ്പിച്ച ഘടകം എന്താണെന്ന് അറിയാന്‍ ഞാന്‍ ശ്രമിക്കാറുണ്ട്. തുടക്കത്തില്‍ സാമ്പത്തിക സ്വാതന്ത്ര്യവും, കഴിവുകളും, തുല്യതയും എല്ലാം വിളമ്പും എങ്കിലും അവരുടെ കഴിവുകള്‍ പ്രയോഗിക്കേണ്ട ഇടം ജോലിസ്ഥലം അല്ല എന്നു തന്നെയാണ്‌ അധികപേരും അഭിപ്രായപെട്ടത്. 

ഒരു പഞ്ചാബ് ITക്കാരി പറഞ്ചു 'എന്‍റെ സ്വന്തം കാശായാല്‍ എനിക്കത്‌ ഓടയില്‍ വലിച്ചെറിയാനും ആരോടും ചോദിക്കണ്ടല്ലോ' എന്ന്. രണ്ടു ദിവസം കഴിഞ്ഞ് എന്നോടെ പറഞ്ഞു ഫ്രീ ആവുമ്പോള്‍ എനിക്ക് കുറച്ച് പറയാനുണ്ടെന്ന്. ഒഴിഞ്ഞ ഒരു മുറിയില്‍ വെച്ച് ആദ്യം അവള്‍ കുറെ കരഞ്ഞു ഞാന്‍ കരുതി ഭര്‍ത്താവുമായി പിണങ്ങിയതോ മറ്റോ ആവും എന്ന്. അവള്‍ പറഞ്ഞു താങ്കള്‍ ചോദിച്ചില്ലേ എന്തു കൊണ്ട് വീട്ടില്‍ നിന്ന് മകളേയും കുടുംബവും നോക്കുന്നില്ല എന്ന്, ഞാന്‍ പറഞ്ഞത് കള്ളമായിരുന്നു, സത്യം ഇതാണ് എന്‍റെ ഭര്‍ത്താവ് ഒരു ബോധവും ഇല്ലാതെ കാശ് ചിലവാക്കുന്നു. ഒരുപാട്‌ ബിസിനസ്‌ ചെയ്തു ഒന്നിലും ഉറച്ച് നില്‍ക്കുന്നില്ല. വീട്ടിലെ ചിലവുകളിലോ, മകളുടെ കാര്യങ്ങളിലോ ഒരു ശ്രദ്ധയും ഇല്ല. വലിയ കുടുംബക്കാരാ ഞങ്ങളുടെ ഇരു വീട്ടുകാരും, എല്ലാവരെയും മുന്നില്‍ എന്‍റെ കുടുംബം മാത്രം വല്ലാതെയങ്ങ് ചെറുതായിപോവുന്നു. കുടുംബത്തെ നോക്കാതെ ജോലി ചെയ്യുന്നത് എനിക്ക് ഇഷ്ടമുണ്ടായിട്ടല്ല, മറ്റു വഴി ഞാന്‍ കാണുനില്ല. നിങ്ങളുടെ ചോദ്യം എന്നെ വല്ലാതെ ഉലച്ചുകളഞ്ഞു എന്ന്.

ഖുര്‍ആന്‍ പറയുന്നു 'പുരുഷന്‍ സംരക്ഷിക്കണം സ്ത്രീയെ' എന്ന്. സ്ത്രീ ബലഹീന ആയതിലല്ല അതവള്‍ക്ക് നല്‍കിയ അംഗീകാരം ആണെന്ന് ഞാന്‍ വിശ്വസിക്കുന്നു. ബലഹീനര്‍ ആയതുകൊണ്ട് ആണോ മന്ത്രിമാര്‍ക്കും രാജാക്കന്മാര്‍ക്കും സംരക്ഷണം നല്‍കുന്നത്. അല്ല മറിച്ച് അവര്‍ക്ക്‌ കൂടുതല്‍ പ്രാധാന്യം നിറഞ്ഞ ജോലികള്‍ ഉണ്ടെന്നു നാം മനസിലാക്കുന്നു. 

ഞാന്‍ എന്‍റെ ഭാര്യയെ എപ്പോഴെങ്കിലും വീട്ടുജോലികളില്‍ സഹായിക്കാറുണ്ട്. എനിക്കറിയാം അവള്‍ ദിനേന ചെയ്യുന്ന ജോലികള്‍ ഒരൊറ്റ ദിവസം പോലും മുഴുവന്‍ ആക്കാന്‍ എനിക്കാവില്ല. എന്ടെയും നാല് മക്കള്‍ക്കും വേണ്ടിയുള്ള അവളുടെ കഷ്ടതകള്‍ക്ക് 'സംരക്ഷണം' എനിക്ക് ചെയ്യാവുന്ന ഏറ്റവും ചെറിയ കാര്യമായി എനിക്ക് തോന്നുന്നു. 

ഒരു ഭടന്‍ രാജ്യം സംരക്ഷിക്കുന്നതില്‍ അഭിമാനിക്കുന്ന പോലെ അതൊരു അഭിമാനമായി ഞാന്‍ കരുതുന്നു. അവള്‍ എന്നേക്കാള്‍ ഒട്ടും കുറഞ്ഞവള്‍ അല്ല, കൂടിയവളും. 

ഇംഗ്ലീഷ്കാരന്‍ ഇണക്ക് better half എന്നു പറയും. അതില്‍നിന്നും 'ബെറ്റര്‍' ഒഴിവാക്കിയാല്‍ ശരിയായി. ഇണ നമ്മുടെ പാതിയാണ്, ആ പാതി കൂടി ചേരുമ്പോഴേ നമ്മള്‍ പൂര്‍ണ്ണമാവുന്നുള്ളൂ. അവള്‍ അവളും ഞാന്‍ ഞാനും ആവുമ്പോള്‍ മാത്രമേ സന്തുലനം ഉണ്ടാവുന്നുള്ളൂ, അപ്പോഴേ സമാധാനം എന്തെന്ന് മനസ്സ്‌ അറിയൂ.

ഇന്നത്തെക്കാലത്ത് രണ്ടു പേരും ജോലി ചെയ്യാതെ മുന്നോട്ട് പോവില്ല എന്ന് നിങ്ങള്‍ പറയുന്നത് ഞാന്‍ കേള്‍ക്കുന്നു. മുന്നോട്ട് പോവും നമ്മുടെ ആഗ്രഹങ്ങള്‍ നമ്മുടെ വരുമാനത്തിന്‍റെ താഴെ നിര്‍ത്താന്‍ നമ്മള്‍ നമ്മെയും നമ്മുടെ കുടുംബത്തെയും പഠിപ്പിക്കണം. 

രണ്ടു പേരും ജോലി ചെയ്താല്‍ നമ്മുടെ അഗ്രഹങ്ങള്‍ നിറവേറും എന്ന് തോന്നുണ്ടോ. ഒരിക്കലുമില്ല ഓരോന്ന് നേടുമ്പോഴും അതിലും വലുതിന് നമ്മള്‍ ഉന്നം വെക്കുന്നു. മറ്റുള്ളവര്‍ അസ്സൂയപെടുന്ന നേട്ടം രണ്ടു പേരും ചേര്‍ന്നു ജോലിചെയ്തു നേടുമ്പോള്‍ നമ്മുടെ കുടുംബ ജീവിതം താളംതെറ്റുന്നു. 

എന്‍റെ കണ്ണില്‍ 'സ്ത്രീ പുരുഷനുമായി താരതമ്യം ചെയ്യപ്പെടണ്ടവള്‍ അല്ല, അംഗീകരിക്കപ്പെടണ്ടവള്‍ ആണ്, ജോലി ചെയ്തു കുടുംബം നോക്കേണ്ടവള്‍ അല്ല'. ഖുര്‍ആന്‍ പറഞ്ഞത്‌ തന്നെയാണ് ശരി സ്ത്രീ സംരക്ഷിക്കപ്പെടണ്ടവള്‍ ആണ്‌ അവളുടെ ഭാഗം കുടുംബജീവിതത്തില്‍ അത്രയും പ്രാധാന്യം നിറഞ്ഞതാണ്. 

അത് പക്ഷെ ഇനിയത്തെ തലമുറ പ്രായമായി വൃദ്ധസധനത്തിനു മുന്നില്‍ നില്‍ക്കുമ്പോള്‍ മാത്രമേ തിരിച്ചറിയൂ.