പൊള്ളത്തരങ്ങള്‍

ഒരു കൂട്ടം ആളുകള്‍ ഒരു ടേബിളിനു ചുറ്റുംകൂടി ഇരിക്കുന്നു.. ടേബിളില്‍ തുറന്ന കേയെഫ്സീ പായ്ക്കുകളില്‍ നിന്നും എത്തിനോക്കുന്ന കുറേ കോഴി കഷ്ണങ്ങള്‍.. നടുവില്‍ വലിയ ഒരു കൊക്കോകോള കുപ്പിയും..

ആളുകള്‍ എല്ലാം രണ്ട് വിരലുപൊക്കി കാണിക്കുന്നുണ്ട്.. താഴെ ടാഗും 'ഫീലിംഗ് ക്രേസി'

സേഫ്റ്റി നെറ്റ്

എന്തൊരു തലവേദന, ഞാന്‍ സോഫയില്‍ ചാഞ്ഞു കിടന്നു.

ഞാന്‍ നോക്കട്ടെ.. തൊട്ടു നോക്കി അവള്‍ പറഞ്ഞു.. ഇല്ല പനിയൊന്നും ഇല്ല.. മരുന്നു വേണോ ഉപ്പാ..

ജോ, ഇതെന്‍റെ രണ്ടാമത്തെ മകള്‍.. ഹോമിയോ ഡോക്ടര്‍ ആണ്.. മൂത്തവള്‍ ഇഞ്ചിനീരാണ്..

എന്‍റെ പ്രധാന ചികിത്സക ഇവളാണ്.. കോഴ്സ് കഴിഞ്ഞു സര്‍ട്ടിഫിക്കറ്റ് കിട്ടിയിട്ടില്ല അതുകൊണ്ട് ചികിത്സ വീട്ടിനു പുറത്തേക് വ്യാപിപ്പിച്ചിട്ടില്ല..