പ്രിയപ്പെട്ട നിമ്മിത്തയും അക്കിക്കയും വായിച്ചറിയാന്‍ ജോ എഴുതുന്നത്..ഞാന്‍ ഇപ്പൊ ഒരുപാട് വല്യ കുട്ടിയായി, എല്‍കെജി എഫില്‍ ഒക്കേ എത്തി. പെരുന്നാള്‍ക്ക് സ്കൂള്‍ രണ്ടാഴ്ചക്കാ പൂട്ടിയത്. നല്ല കോളായിരുന്നു..
നിമ്മിത്ത നാട്ടില്‍ പഠിക്കാന്‍ പോയതില്‍ പിന്നേ ഫ്രിഡ്ജില്‍ എപ്പഴും എനിക്കും ബാച്ചുക്കാക്കും എന്തെങ്കിലും തിന്നാന്‍ കിട്ടും അപ്പോ നിമ്മിത്താനോട്‌ വല്യ സ്നേഹം തോന്നും.
നിമ്മിത്താക്ക്‌ ഹോസ്റ്റലില്‍ വായക്ക് രുചിയുള്ളത് ഒന്നും കിട്ടാറില്ല എന്ന് കേട്ടപ്പോള്‍ പാവം തോന്നി. സാരല്യാട്ടോ കുറച്ചു നാള്‍ കൂടി കഴിഞ്ഞാല്‍ ഒക്കേ ശീലായിക്കോളും.
